Smells like Hell’s Kitchen

ორი დღეა ვუყურებ ტორენტიდან გადმოწერილი reality show-ს – “Hell’s Kitchen“-ის პირველ სეზონს, ძალიან ცნობილი და მსოფლიოში, თუ არ ვცდები, №2 შეფ-მზარეულის, Gordon Ramsay-ს ხელმძღვანელობით.

მაგარი შოუა, 12 მზარეული ეჯიბრება ერთმანეთს და გამარჯვებული – საკუთარ რესტორანს მიიღებს. გორდონა უჟმური ტიპია და სულ იგინება, ყველას აკუკავს. კულინარიისადმი დიადი სიყვარულის გამო, შოუმ ძალიან ჩამითრია.

აქვე აღმოვაჩინე, რომ US უფრო კონსერვატულია, ვიდრე UK. მეტყვით ახლა, ახალი ამბავიო, მაგრამ ნაღდად მეგონა, რომ ბრიტანეთის ტელევიზიაზე – მონარქია, ჯენტლმენები ხელთათმანებში და ინგლისური ჩაი სუფევდა, ამერიკაში კი – მეტი თავისუფლება.

ეს შოუ ორივეგან გადის – ოღონდ ამერიკაში ცენზურდება და “ტუ”-ები ადევს, ბრიტანეთში კი – პირდაპირ, ჯიგრულად ილანძღებიან.

გორდონ რამსეი შემიყვარდა-თქო, ვერ ვიტყვი, მაგრამ სიამოვნებით ვუყურებ ამ ყველაფერს. ჰოდა ეს ორი დღეა ვფიქრობ – რატომ, რატომ ევასება ხალხს, მათ შორის – მეც, იმის ყურება, თუ როგორ აკუკავენ სხვას? ჩემს საყვარელ საიტებს შორის არტიომი ლებედევის საიტიც შედის, განსაკუთრებით კი – ბიზნეს ლინჩის განყოფილება. და იქ რა სხმაა, გეცოდინებათ, ვისაც ნანახი აქვს.

მოკლედ, ჯერჯერობით ისევ ვფიქრობ, რატომ მომწონს ამ ყველაფრის ყურება-კითხვა. ვამართლებ იმით, რომ აი მევასება პროFი რომ ასწავლის და რაღაც… მაგრამ ეგ ყველაფერი bullshit-ია, რა თქმა უნდა.

ჰო, დიდი ნიუსი – კიბორგამ კუბიკ რუბიკი ააწყო, როგორც იქნა. თანაც ორჯერ! აქედან ერთხელ მე ავურიე. მადლობა ანიკას მოწოდებული თუთორიალისთვის, თორემ ეს სათამაშო განხეთქილების კვადრატულ ვაშლად იქცეოდა ადრე თუ გვიან XD

შო იყო ამოსული და თურქეთში გადაღებული დოკუმენტალურის დისკი ამომიტანა. მაგრამ აღმოჩნდა, რომ არც ერთ კომპზე არ გვაქვს დვდ. არადა მაინტერესებს – ბოლოს და ბოლოს ამოჭრა თუ არა სცენები, სადაც ესოდენ სათუთად ვიცვამ ტანგას. და თუ არ ამოუჭრია – კარგად გამოიყურება თუ არა ზემოთ ხსენებული ტანგა კადრში.