Маленькие Прелести Жизни

ანუ როგორ ვაქციოთ ჩვეულებრივი დღე – დღესასწაულად

მიყვარს, როცა ჩემი პატარა ოჯახი + ორი ახლობელი ადამიანი, სულ ხუთნი, ერთად ვიკრიბებით: დედა, მე, ჩემი შეყვარებული – ლაშა, ჩემი და და მისი შეყვარებული – ბექა.
ნუ ეს არც ისე ხშირად ხდება, ან თუ ხდება, ყველა დაღლილია და სააბშენიოდ ერთმანეთისთვის არ სცალიათ ხოლმე.
დღეს კიდევ მაგარი დღე შევქმენი :)
სადილის კეთება დავიწყე, მაცივარში კიდევ რაღაცეები ვიპოვე და წაექსპერიმენტება გადავწყვიტე. ჩემდა გასაკვირად, ყველაფერი გემრიელი გამომივიდა :) სადილად დასხდომას რომ ვაპირებდით, დამკრა თავში – რატომ არ შევქმნათ სადღესასწაულო განწყობა? why not? ხომ შეიძლება, რომ ამ პატარა მაგიდის ნაცვლად ლამაზად გავშალო ყველაფერი დიდ მაგიდაზე, დავდო ლამაზი ჭიქები, გამოვიღო საკაიფო დანა-ჩანგალი, სპაგეტი, როგორც მჩვევია, ქვაბით კი არა, ლამაზ ჯამში ჩადებული მოვიტანო და ა.შ. მე მგონი მარისგან გადამედო მსგავსი იდეები :) არადა რომ დაფიქრდე, რა გვიშლის იმაში ხელს, რომ ლამაზად ვიცხოვროთ? მარტო სიზარმაცე :)
მოკლედ, დღეს არ დამეზარა, ავძვერი ზემოთ, ჩამოვიღე ახალი ჭურჭელი და ჩემი გემრიელი სადილი ისე მივართვი საყვარელ ადამიანებს. ცოტა წითელი ღვინოც ვიპოვეთ, ცოტა – ვაშლის ლიქიორიც.
სადილი ყველას ძალიან მოეწონა, სალათებიც :D ჭამის შემდეგ ვითამაშეთ კიდეც :)) და ბევრი ვიცინეთ :P
ჩემთვის გადავწყვიტე, რომ თვეში ერთხელ მოვაწყო ხოლმე ასეთი დღესასწაულები :) ნუ მერე რა, რომ ერთი საათი ჭურჭელს ვრეცხავდი და შემდეგი ერთი საათი – სამზარეულოს ვალაგებდი. სამაგიეროდ ჩემი ყველაზე ძვირფასი ადამიანები ხომ კმაყოფილები და ხალისიანები იყვნენ, მიზეზი კი ჩემი შექმნილი საღამო იყო :))